شەفەق نیوز/ بڕیارە شاندیگ لە حکومەت فیدڕاڵی، وە سەرۆکایەتی قاسم ئەعرەجی راویژکار ئاسایش نەتەوەیی، ئمڕوو شەممە، سەردان شار سلێمانی بکەێد، ئەوەیش لەپشت رویداوەیل فڕۆکەخانەگە.
پەرلەمانتار کاروان یاروەیس لە بەیاننامەیگ وت: وەفەرمان محمد شیاع سودانی سەرۆک وەزیرەیل عراق، ئەوەسا شاندیگ پایەبەرز وە سەرۆکایەتی قاسم ئەعرەجی راویژکار ئاسایش نەتەوەیی ئەرا لێکۆڵینەوە لە رویداو فڕۆکەخانەگە سەردان سلێمانی کەێد.
وتیش: بڕیارە پەرلەمان عراق دەسەیگ ئەرا چگن وە بندروس رویداوەگە کردەو بکەێد و سەردان سلێمانی بکەن.
دویەکە جمعە، فڕۆکەخانەی ناودەوڵەتی سلێمانی، کەفتە وەر گورزیگ ک سەرچەوەگەی نادیارە، و نەویە هوکار کەفتن قوربانی و زەخمداری، و تەنیا ئاگریگ لەلی بویەو و کپەو کریا.