شەفەق نیوز/ شاندیگ پایەبەرز لە حکومەت هەرێم کوردستان، ئمڕوو چوارشەممە، روی کردە بەغداد پایتەخت، ئەرا باسکردن وەگەرد حکومەت فیدڕاڵی دەربارەی ناکۆکیە داراییەگان.

سەمیر هەورامی قسەکەر وەناو قوباد تاڵەبانی جیگر سەرۆک حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: تاڵەبانی هالە سەرپەشتیاری ئەو شاندە ک لە فڕۆکەخانەی هەولێرەو وەرەو بەغداد چگ.

وتیش؛ حکومەت هەرێم ئەوەسا وەگەرد وەرپرسەیل حکومەت فیدڕاڵی دەربارەی ناکۆکیە داراییەگان لەناوبەین بەغداد و هەولێر باس کەن.

هەورامی ئاماژە کرد ک ئەوەسا لە ئیوارەی رووژ چوارشەممە شانەدەگە دەسکەێدە دانووسانەیلی وەگەرد بەغداد وە دیدار عەلی عەلاوی وەزیر دارایی و ئیحسان عەبدولجبەبار وەزیر نەفت.