قسەکەر سەرۆکایەتی شارەوانی سلێمانی زەردەشت رەفیق ئەرا ئاژانس شەفەق نیوز ئاشکەرایکرد، ئی رێکارەلە لەدویای فەرمانیگ تێد ئەرا وەزارەتەیل شارەوانی و گەشتوگوزارەیل وە لایەن حکومەت هەرێم کوردستان.

ئاشکەرایکرد زەوی تەرخانکریاگەیل وابان سێ شوین بەشەکریانە : دوانیان ها لە تاسلوجە و سییەم ها لە تانجەڕۆ.

دیاریکرد پرۆسەی دیاریکردن زەویەگان کۆتایی هاتیە، و ئیرنگە رێکارەیل یاسایی و ئیداری وەردەوامە، لەدویای کۆتایهاتن وەی رێکارەیلە، دەسکرێد وە جیاکردن زەویەگان و بەشەوکردنی وەبان فەرمانبەرەیل وەپای ئەو میکانیزمە حکومەت دانایەسێ پشت وەپی بەسرێد وەپای ساڵەیل خزمەتکردن و باری کۆمەڵایەتی، هەر فەرمانبەریگ 200 مەتر چوارگوشە زەوی وەرگرێد وەرانوەر وە بڕە پویلیگ دیاریکریاگ.

ئەنجومەن وەزیرەیل لە 27 ئازار 2024 بڕیاردا وە بەشەوکردن پارچە زەویەیل نیشتاجیبوین وەبان گشت فەرمانبەرەسل و ئەندامەیل حکومەت هەرێم کە لە وەرین سوودمەن نەوینە لە بەشوکردن زەوی.