شەفەق نیوز/ شارەوانی سلێمانی، ئمڕوو دووشەممە، دووپات کرد ک نەۊین پۊل هیشت کۆمپانیایل پاکەوکردن لە ماوەی گوزەشتە لەکار بوسیەن.
زەردەشت رەفیق قسەکەر شارەوانی سلێمانی ئەرا ئاژانس شەفەق نیوز وت: دابینبەکردن پۊل لە بانک سلێمانی هیشت کار کۆمپانیایل پاکەوکردن لە پارێزگاگە بووسێد.
زەردەشت وتیش: کۆمپانیایل پاکەوکردن ئەرا ماوەی دوو رووژ گوزەشتە لەکار پاکەوکردن وسیان، چۊنکە پۊل خوازن، باوجی دۊای چەودێریکردن باوەتەگە لەلایەنە پەیوەندیدارەیل دووارە کەفتنە کار.
دەربارەی ئەو پۊلەیلە ک لە دوکانەیل بازرگانی جۊر باج پاکەوکردن بریەن، زەردەشت دووپات کرد ک ئەوە پۊلیگ فەرمیە و بەش کرای کراکارەیل نێکەێد، ئەراوە کارەگە پشت وەگریەبسی ئەنجومەن وەزیرەیل هەرێم بەساگە، ک لە ٢٠١٧ وەگەرد ئی کۆمپانیایلە واژوو کریایە.