وەریەوبەرایەتیەگە لە بەیاننامەیگ رەسیە ئاژانس شەفەق نیوز وت: تا نیمەی هەفتەی ئایندە کەشوهەوا ئارام نییە.

بەیاننامەگە وتیش: وەفر و واران لە هەرێم کوردستان لە دویای نیمەڕو دویەکە چوارشەممەو دەسوەپی کرد.

لە باوەت وەفروارین، بەیاننامەگە دووپات کرد ک وەفروارین وەشیوەیگ بڕبڕ وەردەوامە، وەلێ فرەگەی لە ناوچەیل کویە وارێد.

وەگورەی بەیاننامەگە، بەرزترین ئاست واران لە سلێمانی لە ساعەت 09:00 شەو تا 09:00 شەوەکی توومار کریا.

بەیاننامەگە وتیش: بەرزترین ریژەی واران لە ماوەی ٢٤ ساعەت گوزەشتە وەیجویرە بویە: 

سلێمانی: 19.6 ملم

چوارتا : 34.5 ملم

بەرزنج: 32.1 ملم

قەرەداغ : 35 ملم

ماوت: 22.4 ملم

چەمچەماڵ: 13.2 ملم

دووكان : 14.2 ملم

دەربەنديخان: 15.8 ملم

پێنجوێن: 17 ملم

قرگة: 15.2 ملم

هەڵەبجە: 14.8 ملم.

وەگورەی بەیاننامەگە، ئاسمان نیمچە ئەور بوود، و مەزەنە کریاگە واران کەمیگ لە بەشیگ لە ناوچە کوێەیلە ئەرا سوو جمعە بوارێد.