شەفەق نیوز/ شارەزایگ مژار کەشناسی، ئمڕوو چوارشەممە، راگەیان مانگ ئایندە کاریگەری نزمە پاڵەپەستۆ و بارستە وا سەردەیلە چالاکەوبوود، شەپوولیگ وەفر و واران فرەیگ هەرێم کوردستان و وڵاتەیل هاوسا گرێدەو.
ئاراس جه‌بار شاره‌زای مژار كه‌شناسی، ئمڕوو چوارشەممە ٢٩ تشرین دویەم ٢٠٢٣ له پۆستیگ راگەیان" رووژ چوارشەممە ٦ کانوون یەکەم ٢٠٢٣ کاریگەری پاڵەپەستۆگان دەریای سوور و ناوڕاس قۆناغ وە قۆناغ لەبان ناوچەیل هەرێم دەسوەپی کەێد".
ئاشکەرایکرد، " سەرەتا وە لاوازی و تریشقە دەسوەپی کەێد و واران ناجیگیر و پەرتەوازە کاریگەری بوود،دویایی لەناوەین (١٠ بۆ ١٥) مانگی ئایندە مەزەنەکرێد كاریگه‌ری نزمه پاڵه‌په‌ستۆ و بارسته وا سەردەیل چالاكتر بوود و شه‌پۆل وەفر و واران وارین وە رێژەی فرە و خاسیگ لە هرێم کوردستان و وڵاتەیل ناوچەگە گرێدەو".