شەفەق نیوز/ وەڕێەوبەرایەتی کەشوهەوا و رەوانگەی زەویلەرزە لە هەرێم کوردستان، ئمڕوو سێشەممە، مەزەنە کرد گشت ناوچە و شارەیل هەرێم کوردستان بکەفنە وەر بەرزەوبوین وەرچەویگ لە پلەی گەرمی، هەرلە کۆتایی ئی هەفتە، وتا ماوەی ناوڕاس هەفتەی بانان وەردەوام بوود.
وەڕێەوبەرایەتیەگە لە راپۆرتیگ ئاژانس شەفەق نیوز چەودێریی کرد وت: ئەوەسا لە رووژ جومعە سێیەی حوزەیران، بەرزەوبوین گەورەیگ پە پلەی گەرمی وەخوەی دۊنێد، وتیش: ئی شەپوول گەرمیە تا چوار رووژ وەردەوام بوود، هەرلە رووژ جمعە تا رووژ دووشەممە لە هەفتەی بانان.
وەڕێەوبەرایەتیەگە وتیش: پلەی گەرمیەگە ئەوەسا کەفێدە ناوبەین ٣٧ تا ٤٦ پلەی سەدی هەرلە پارێزگایل کەرکوک، و هەولێر، و سلێمانی، و دهۆک، و هەڵەبجە.