شەفەق نیوز/ كەشناسیگ كورد راگەیان، لە سوو پەنجشەممەو شەپۆلیگ بڕبڕ واران ناوچە جیاجیایل هەرێم گرێدەو، لە ناوچە کۊیەیلە سنورەیلیش وەفر وارێد. 

ئاراس جەبار، كەشناسی كورد، راگەیان؛  دەربارەی"سوو پەجشەممە ھەرێم کوردستان کەفێدە ژیر کاریگەری نزمە پاڵەپەستویگ لە ناوەڕاس و وەگەرد ھاتنی بڕیگ وای دەریای سور، شەپۆلیگ بڕبڕ  واران لە مەوقەیل شەوەکی ناوچە جیاجیایلە گرێدەو، و لەناوچە کۊیەیلە و سنورەیلیش وەفر وارێد." 

باس ئەوەیش کرد ك وەگەرد ئەوەیش، تونی واگە وەرەو  باشور خوەرئەڵات زیای کەێد، تایبەت لە ناوچەیل سنور گەرمیان و پارێزگای کەرکوک وە تونی 15 تا 30 کیلۆمەتر لە ساعەتیگ، ک بوودە هووکار هەڵسان تووز و خوەڵ لەی ناوچە.