شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو دووشەممە، راگەیان مەزەنەکرێد تێکلایگ وەفر و واران لە سلێمانی بوارێد.

کەشناسی لە بەیاننامەیگ راگەیان "ئمڕوو ئاسمان ئەور تەواویگە لە فرەیگ وەختەیل نمە واران لە فرەیگناوچەیل وارێد و لە فرەیگ لە ناوچە کویەیلە وەفر وارێد لە ناوچە سنووریەیل باکوورو رۆژهەڵات رێژەگەی زیاتر بوود، لەشار سلێمانی مەزەنەی تێکەڵەی  وەفر  و واران کرێد ئەرا وەخت کوڵیگ، لە وەخت ئیوارە کاریگەری ئێ شەپۆلە کەمەو بوود و لە دیر وەخت شەو کاریگەریەگەی کۆتایی وەپی تێد".

 دیاریکرد، پلەی گەرمی وەشیوەی وەرچەو  (6 - 7 ) پلە داوەزێد و لە ناوچە کویەیلە  (8 – 10 ) پلە داوەزێد. .

  بەرزترین پلەی گەرمی مەزەنەکریاگ وە  پلەی سیلیزی:

هەولێر     : 12 پلەى سیلیزى

سلێمانی  :   9 پلەى سیلیزى

دهۆک     : 10 پلەى سیلیزى

کەرکوک  : 14 پلەى سیلیزى

زاخۆ      :  11 پلەى سیلیزى

هەڵەبجە : 10  پلەى سیلیزى

حاجی ئۆمەران: -3  پلەى سیلیزى

سۆران: 7 پلەى سیلیزى

گەرمیان  : 12 پلەى سیلیزى.