لە قسەیلی ئەرا رووژنامەنویسەیل وت: ئەوەسا دەسەیگ لە بەغدادەو سەردان وەزارەت پیشمەرگە لە هەرێم کوردستان کەێد، ئەرا چارەسەرکردن گیچەڵ مووچەیل.
وتیش: لەی رووژەیلە مووچەی هیزەیل پیشمەرگە مەرقەز کریەێد، وتیش: کارەیل چاکسازی لەناو هیزەیل پیشمەرگە خاس وەڕیەو چوود.
وەرجەیە، وەزارەت دارایی و ئابووری لە حکومەت هەرێم کوردستان، راگەیان کە نزیکەی ٥٠٠ ملیار دینار خریاسە هەشمار بانکیی لەلایەن حکومەت فیدراڵی، ئەرا خەرجکردن مووچەی فەرمانبەرەیل مەدەنی ئەرا مانگ حوزەیران گوزەشتە.
لە ماوەی سێ مانگ گوزەشتە، حکومەت فیدراڵی مووچەی مانگانەی فەرمانبەرەیل هەرێم کوردستان دەێد، ببجگە مووچەی سەربازەیل، و وەرپرسەیل کورد ئویشن هویچ گیچەڵیگ سیاسی یا یاسایی لە پشتیەو نییە، و کارەکە چوودەو ئەرا باوەتەیلیگ هونەری و هویرنووڕین لیستەیل ئەندامەیل هیزەیل پیشمەرگە و هیزەیل ئاسایش ناوخوەیی.