له ڕى وڕه‌سميگ له هۆڵ سه‌عد عه‌بدوڵلا له شار هه‌ولێر وه ئاماده‌بوين قوباد تاڵه‌بانى جيگر سه‌رۆك حكومه‌ت هه‌رێم كوردستان و دكتۆر يوسف گۆران وه‌زير خوه‌نين باڵاو توێژينه‌وه‌ى زانستى و شماره‌يگ له وه‌رپرسه‌يل حكومى و مامۆستاى زانكۆيه‌يل ك(شه‌فه‌ق نيوز)ئاگادارى بوى، ئاشكراى ئاكامه‌يل پرووسه‌ى ريزبه‌ندى نيشتمانى زانكۆيه‌يل هه‌رێم كوردستان كريا ك ئه‌را يه‌كه‌مجاره له هه‌رێم ئه‌نجام ئه‌گرێد.
جى باسه، تاڵه‌بانى له‌و ڕى وڕه‌سمه باس له‌وه كرد ك پرووسه‌ى ريزبه‌ندى وه گووره‌ى په‌يمانه‌سازيه‌يل ناوده‌وڵه‌تى گاميگه له گامه‌يل حكومه‌ت هه‌رێم كوردستان وه‌خاتر په‌ره‌داين وه كه‌رت خوه‌نين باڵاو ئى ريزبه‌ندييشه له گشت وڵاته‌يل پيشكه‌فتگ وجوود ديرێد.