سه‌رۆكايه‌تى هه‌رێم كوردستان له‌ به‌ياننامه‌يگ ئه‌را(شه‌فه‌ق نيوز)وت: باڵوێز سويدى خوه‌شاڵى خوه‌ى ئه‌را ئاست ئه‌و په‌يوه‌نديه‌ ده‌رخستگه‌ ك وه‌ نموونه‌يى تاريفى كردگه‌ له‌ناونى وڵاته‌گه‌ى و هه‌رێم كوردستان بيجگه‌ ئه‌و په‌يوه‌نديه‌يل مێژوويى و ئنسانيه‌ ك هه‌ردوگلا په‌يوه‌س كرده‌سه‌ يه‌كه‌و.

جى باسه‌، مولن له‌و ديداره‌ باس له‌ پشتگيرى سه‌ربازى كرد ئه‌را هه‌رێم كوردستان و جه‌خت له‌وه‌ كرد وڵاته‌گه‌ى وه‌ چه‌و گرينگى و ڕيز و حورمه‌ته‌و ته‌ماشاى هه‌رێم ئه‌كا وه‌خاتر ئه‌و ئازايه‌تى و قوربانيه‌يله‌ ك پێشمه‌رگه‌ داسه‌ى دژ ترۆر.