شەفەق نیوز/ حکومەت هەرێم کوردستان، ئمڕوو دووشەممە، راگەیان رەسین پەنج تەرم نوو لە هاووڵاتیەیلیگ کورد ک بەلەمیان لەناو دوریای ئیجە لە یونان لە کۆتایی ساڵ گوزەشتە نقوم بۊن. 

فەرمانگەی پەیوەندیەیل دەیشتەکی لە حکومەت هەرێم کوردستان لە بەیاننامیگ رەسیە ئاژانس شەفەق نیوز وت: وەخاتر مینەکردن چارەنۊس بیسەروشۊنەیل، دۊای نقومبۊن سێ بەلەم لە دەریای ئیجە لە یۆنان،  و دۊای گلەوداین نۆ تەرم لە مانگ شوبات،  وەگەرد (رێوار) ئەو کوڕ ١١ ساڵانە لە مانگ ئادار گوزەشتە،  بڕیارە شمارەیگ لە قوربانیەیل ئەرا سوو گلەو باێد، ک قوربانی خود رۊداوەگە بۊنە. 

فەرمانگەگە وتیش: وە تەمەی سەرۆک حکومەت،  بڕیار دریا تەرمەیل پەنج لە قوربانیەیل گلەو باێد، دۊای ناسینیان و تەواوکردن ریکارەیل یاسایی و وەشکین دی ئێن ئەی.  

فەرمانگەگە دیاری کرد ک وەرجەیە وەگەر قونسڵ گشتی یۆنان لە هەرێم کوردستان و وەگەرد باڵیۆزخانەی عراق لە یۆنان هەماهەنگی ئەرا رەسین وە چارەنۊس قوربانیەیل کریاگە.