سەرۆک ئەنجومەن وەزیرەیل هەرێم ئومێد سەباح لە وتاریگ رووژنامەوانی کە ئمڕوو یەکشەممە لە هەولێر سازدریا ئەوە راگەیان.
سەباح لە وتارەگەی وت، " وە رینمایی سەرۆک حکومەت هەرێم مەسرور بارزانی وەفدیک کارکەن لەبان وەردەوام بوین پەیوەنی وەگەرد گشت دامودەزگایەیل حکومەت فیدراڵی، و ئامانج سەرەکیمان وە دەسهاوردن شایستە دەستوریەگانە ئەرا میلەت کوردستان وە تایوەت ئەوانەگ مووچە خوەرن".
وتیش " بڕیارە سوو دووشەممە وەفدیگ لە حکومەت هەرێم روی بکەێدە بەغدا، وەگەرد سەرۆک ئەنجومەن وەزیرەیل کووەوبوود" ئاشکەرایکرد " گومان لەوە نییە پرس وەرگردن مووچە تاوتوێ کردێد".
سەباح وتیش " تەقەلای خوەمان دیمن ئەرا پارێزگاریکردن لە شایستە دارایی و مافە دەستووریەگان ئەرا کوردستان".
ئەو وەرپرسە لە باوەت ئەو ئاستەنگەیلە ها وەردەم کلکردن نەفت هەرێم جواو دا وت، " بڕیارە لە مانگ ئایندە کووبوونەوەیگ لە بەغدا بکرێد وەگەرد وەزارەت نەفت فیدراڵی لەباوەت ئیە".
دیاریکرد " ئەو شاندە وەی دویاییە سەردان هەولێر کرد بڕیگ داواکاری داشت لەباوەت وە دەسهاوردن زانیای لە فایل نەفتی و بارودۆخ هەرێم کوردستان، و گشت داواکاریەیل و زانیاریەیل کە وەزارەت نەفت داوای کردبوی وە کتاویگ فەرمی وەرجە سێ رووژ کلکریایە"، دیاریکرد وەزارەتەگە لێکۆڵینەوە لەو زانیاریەیلە کەێد، و لە دانیشتن سێیەم مانگ ئایندە بڕیارە دویا بڕیارەیل حکومەت فیدراڵی بدرێد لەبان دەسکردن وە هەناردەکردنی، و توانای ئەوەگ دیرێد تێچگ وەرهەمهاوردن و دەرکردن نەفت لە ئەستۆ بگرێد یاخود نە.