شەفەق نیوز/ وەرپرسیگ خۆجێیی لە پارێزگای دهۆک، ئمڕوو یەکشەممە، ئاشکرای هاتن سوپای تورکیا ئەرا چەن کێلومەتریگ وەرەو ناو زەوی پارێزگاگە کرد، و خاڵەیلیگ ئەمنی لە نزیک چەن ئاواییگ دانا.
سەربەست عەقراوی وەڕێوبەر ناحیەی کانی ماسی ئەرا ئاژانس شەفەق نیوز وت: سوپای تورکیا تا نۆ کێلومەتر لە ناوچەیل ئاوای (کیستە) هات، و خاڵەیلیگ ئەمنی لە کاتەیل ئاوایەگە دانا، و لەپشت ئاوایەیل دشیش و هەرور.
وتیش: بمبارانە تورکیەگە لەبان ناحیەگە شەوەکی ئمڕوو وسیاوە، و هیچ زەخمدارییگ لەناو مەدەنیەیل تۆمار نەکریا، وەلی زەرەدەیلیگ دارایی هیشتە جی ، ک ئاگر لە دارستانەیل ئاوای کیستە هەڵسیا.