له به‌ياننامه‌ى سه‌رۆكايه‌تى هه‌رێم ئه‌را(شه‌فه‌ق نيوز)ئه‌وه ده‌ركه‌فت ك ترۆريسته‌يل تاوانيگ نائنسانى ده‌هه‌ق برايه‌يلمان له خوه‌رئاواى كوردستان ئه‌نجام دانه له‌ئاكام زنجيره ته‌قينه‌وه‌يليگ ترۆريستى له شار ته‌ل ته‌مر و له‌تى ده‌يه‌ها كه‌س بوينه‌و قوربانى.
جى باسه، هه‌ر وه‌و خاتريشه سه‌رۆكايه‌تى هه‌رێم ئى كرده‌وه‌ى ترۆريستيه شه‌رمه‌زار كرد و باس له‌وه كرد ك ئيچنه كرده‌وه‌يليگ نيشانه‌ى دڕنده‌يى ترۆرۆيسته‌يله و ئاماژه وه‌يه‌يش كرد ك له‌يوا په‌لاماره‌يليگ تاوانكارى ئيراده‌ى كورد بته‌وتر ئه‌كا له مه‌سه‌له‌ى له‌ناوبردن ترۆر و بنبڕكردن دوشمنه‌يل ئنسانى.