محه‌مه‌د باس ئه‌وه‌یش كردگه په‌رله‌مان هاته‌ما ده‌ستور ئاماده بكا و ئه‌وه‌یش خستگه‌سه ڕوێ ك كه‌ركوك و ناوچه كوردستانیه داوڕیاییه‌گانتر وه‌گوره‌ێ ده‌ستور به‌شێگن له خاك هه‌رێم كوردستان.
زیاتروتگه : ئه‌و ناوچه‌یله تایبه‌تمه‌ندی خوه‌یان دێرن و بایه‌د ئه‌و تایبه‌تمه‌ندیه له‌وه‌ر چه‌و بگیریه‌ێ و له‌هه‌مان وه‌ختیش قه‌ول داس ك هوێچ بڕیارێگ نه‌سه‌پنێگه بان كه‌ركوك،چوێن بێجگه كورد پێكهاته‌یلتریش هاله‌تێ.
ئاماژه وه‌یه‌یش كردگه ، هاوردنه‌وه‌ێ ئه‌و ناوچه‌یله ئه‌ڕا بان خاك هه‌رێم كوردستان ، ماف ته‌واو وه‌مه‌ردمه‌گه‌ێ درێه‌ێ و وه‌گوره‌ێ ده‌ستور پارێزیه‌ێ و ئه‌وه‌یش خستگه‌سه ڕوێ ك هێز پێشمه‌رگه‌ێ كوردستان سه‌رجه‌م پێكهاته‌یل كه‌ركوكی وه‌بێ جیاوازی پارێزیگ.
كه‌ركوك یه‌كێگه له ناوچه كیشه له‌سه‌ره‌گان له ناونی هه‌ولێر و به‌غدا و ماده‌ێ ده‌ستور 140 گرێگه‌وه‌ێ ك تایبه‌ته وه‌چاره‌سه‌ر كردن ناوچه داوڕیاییه‌گان كوردستان.