شه‌فه‌ق نيوز/ نێچيروان بارزانى سه‌رۆك هه‌رێم كوردستان، له په‌يوه‌ندييگ ته‌له‌فۆنى پيرووزبايى له هه‌ردوگ سه‌رۆك هاوبه‌ش يه‌كێتى نيشتمانى كوردستان بافڵ تاڵه‌بانى و لاهور شێخ جه‌نگى كرد، وه بوونه‌ى هه‌ڵوژاردننيان ئه‌را سه‌رۆكايه‌تى هاوبه‌ش و ئوميد سه‌ركه‌فتن ئه‌رايان خواست.
سه‌رۆكايه‌تى هه‌رێم له به‌ياننامه‌يگ ك شه‌فه‌ق نيوز ئاگادارى بوێ وت: بارزانى بيجگه ئوميد سه‌ركه‌فتن ئه‌را هاوسه‌رۆكه‌يل يه‌كێتى نيشتمانى كوردستان، باسيش له رۆڵ ئاشكراى يه‌كێتى كرد له سه‌رده‌مه‌يل خه‌بات ملله‌ت كوردستان و جه‌خت له‌بان گرنگى و هه‌وڵه‌يل يه‌كێتى نيشتمانى كرد له‌وه‌ر ئاسووده‌يى و يه‌كێتى رزه‌يل و يه‌كگرتگ پيكهاته‌يل و لايه‌نه‌يل كوردستانى.
جى باسه، له‌و په‌يوه‌ندى ته‌له‌فۆنيه بارزانى ئوميديش خواست هه‌ڵوژاردن و ده‌سوه‌كاربوين ئه‌و هه‌ردوگ هاوسه‌رۆكه له‌وه‌ر خاتر خزمه‌تكردن وه يه‌كڕزى و ئه‌مانه‌ته‌يل سه‌رۆك كۆچكردگ مام جه‌لال بدێ.