شه‌فه‌ق نيوز/ نێچيروان بارزانى سه‌رۆك هه‌رێم كوردستان باس له‌ ئوميدى كرد ئه‌را ئه‌وه‌گ جه‌نگ له‌ناونى ئيران و ئه‌مريكا به‌رپا نه‌دێ و جه‌خت له‌وه‌يش كرد هه‌ڵويست هه‌رێم هاوكارى ته‌واويگ ئه‌دێ وه‌ل هه‌ڵويست به‌غدا.

بارزانى وت: سياسه‌ت حكومه‌ت هه‌رێم ئه‌وه‌سه‌ زه‌ره‌د وه‌هويچ وڵاته‌يل هاوسا نه‌ڕه‌سێد له‌ناو خاكه‌يل عراقييه‌و، باس له‌وه‌يش كرد له‌ حاڵه‌تيگ ئه‌گه‌ريش جه‌نگ بكه‌فێده‌و ئه‌وه‌ هه‌رێم كوردستان كار له‌بان مقه‌يتيكردن گشت ناوچه‌يل عراق ئه‌كاو له‌وانه‌يش هه‌رێم

له‌باره‌ى وجوود پارت كارگه‌ره‌يل كوردستانيش له‌ ناوچه‌يل شه‌نگاڵ و مه‌خمور و ناوچه‌يل مه‌رزێ وه‌ل توركيا، بارزانى وت: هووكار بنه‌ڕه‌تى كرده‌وه‌يل سه‌ربازێ له‌ ناوچه‌يل هه‌رێم ئه‌چێده‌و ئه‌را وجوود ئه‌و پارته‌و يه‌يش ده‌رخست ك له‌ڕوێ مه‌بده‌ئيه‌و په‌لامارداين وڵاته‌يل هاوسا ره‌ته‌و ئه‌كه‌ن و له‌وانه‌يش توركيا له‌ناو خاكه‌يل عراقه‌و.