شەفەق نیوز - هەولێر

سەرۆک هەرێم کوردستان، نێچیروان بارزانی، ئمڕوو سێشەممە، وەگەرد سلاکار ئاسایش نەتەوەیی عراقی، قاسم عەبوودی، باس لە  بارودۆخ ئەمنی لە عراق و قۆناغ دویای کیشانەو هێزەیل هاوپەیمانی ناودەوڵەتی، و رخداریەیل تیرۆر، و گرنگی تونەوکردن هەماهەنگی ناوەین هێزەیل ئەمنی کردن.

لە بەیاننامەیگ لە سەرۆکایەتی هەرێم کوردستان، کە رەسیە ئاژانس شەفەق نیوز وت:  بارزانی  لە هەولێر پیشوازی لە عەبوودی کرد،  هەردووگ لایەن باس لە گرنگی وەردەوامبون لە هەماهەنگی و دەسمیەتی ناوەین هێزەیل پێشمەرگە و سوپا و هێزەیل ئەمنی عراقی کردن، وە جویریگ کەبەشدارە  لە پاراستن ئاسایش و وەدەسهاوردن سەقامگیری لە گشت وڵاتەگە.

دیاری کرد، لە دیدارەگە دوایین پیشهاتەیل لە ناوچەگە و کاردانەوەیل بان عراق، بیجگە لە سیاسەت ئەمنی عراقی لە قۆناغ ئیسە، و هەوەجەی تونکردن  کار هاوبەش ناوەین دەزگا ئەمنییەیل ئەرا رویوەرویبوین ئاڵنکاریەیل و پاراستن ئاسایش باس کردن.

هەردووگ لایەن، وەپای بەیاننامەگە، گفتوگوکرددن لە رۆل عراق لە  درویژە دان لە پشتیوانیکردن سەقامگیری ناوچەگە، لە سای وە نواچگنەیل  هەرێمی ئمڕوو .

و لە بەیاننامەیگ ترێش، نێچیروان بارزانی، پیشوازی لە باڵیۆز رۆمانیا لە عراق، رادوو دۆبری، کرد لە شار هەولێر، ئەرا باسکردن پەیوەنییەیل دوولایەنە و ریەیل تونکردن دەسمیەتی هاوبەش.

لە دیدارەگە گفتوگرد لەبان   پەیوەندییەیل ناوەین بوخارست و  لە بەغداد و هەولێر، و ریەیل ئەوزەڵداین  هاوکاری لە کەرتییەیل خاوەن گرنگی هاوبەش.

لە بەیاننامەگە وتیش؛ هەردوگ لایەن دوایین پیشهاتەیل سیاسی و کاردانەوەیل بان ئاسایش عراق و سەقامگیری ناوچەگە باس کردن، و دووپات لە گرنگی تەقەلایەیل دیپلۆماسی کردن لە کۆنتڕۆڵکردن گرژییەیل و پاراستن سەقامگیری.