شەفەق نیوز/ پارێزگای سلێمانی  ماوەی چەن رووژیگە رویوەروی بایکۆت بوود، فەرمانبەرەیل دامودەزگایەیل حکومی و ماموسایەیل بایکۆت دەوام کردن لەوەر دیرکەفتن مووچەی مانگانەیان زیاتر لە دوو مانگە.

یەیش  65% لە فەرمانبەرەل دامودەزگاگان حکومی و  و85% لە مەکتەو و ماموسایەیل گردیەسەو، و بویەسە مدوو پەککەفتن خزمەتگوزاری و کاریگەری نەرێنی لەبان مامەڵەی هاوڵاتیەیل دروسکردیە وە تایوەت وەگەرد نزیکەوبوین کۆتایی ساڵ  کە داوای تەواوکردن رێکارەیل ئیداری کرێد.

پەیامنێر ئاژانس شەفەق نیوز لە سلێمانی راگەیان بایکۆتەگە لە ئەنجام قەیران مووچەس، کە ماوەی زیاتر لە دە ساڵە فەرمانبەر و ماموسایەیل لەدەسی ناڵن.

 نارەزاییکەریل داوای خەرجکردن مووچەی هەر سێ مانگ (تەشرین یەکەم و تەشرین دویەم و کانوون یەکەم)، کەن داوای دیاریکردن بڕواریگ جیگیرکەن ئەرا مووچەی مانگانە، وەگەرد پلە بەرزاوکردن و بەرزەوکردن پیشەیی کە لە ساڵ 2016ەو وسیاس.