شەفەق نیوز/ ئمڕوو یەکشەممە، کۆلێژ تەکنەلۆجیای سلێمانی یەکەمین پێشانگای کار خوەی سازکرد، وە بەشداری دەیان کۆمپانیا و دامەزراوە، وە ئامانج دابینکردن دەرفەت کار ئەرا دەرچووان و بیکارەیل.

لە پێشانگاگە کە لە هۆتێل رامادا وەڕیەو چگ، پارێزگار سلێمانی و وەزیر کار و کاروبار کۆمەڵایەتی لە حکومەت هەرێم کوردستان و شمارەیگ وەرپرس ئیداری و حزبی و کەسایەتی ئەکادیمی ئامادەبوین.

ئەیوب کەریم، سەرپەرشتیار پێشانگاگە ئەرا ئاژانس شەفەق نیوز وت: "کۆلێژ تەکنەلۆجیا لە زانکۆی سلێمانی ئی پێشانگا لە یەکەم چاپی ڕێکخست وە ئامانج گریەداین دەرئەنجامە پەروەردەییەیل وە بازاڕ کارەو، هەمیش پەیاکردن 600 دەرفەت کار لە ری بەشداریکردن 35 کۆمپانیا و ریخریاگ لە کەرتە جیاجیایەیل".

کەریم ئاشکرا کرد کە "پێشانگاگە ری وە داواکارەیل داگە کە سیڤی بیەنە دەس نوێنەرانی کۆمپانیایل، کە ئیجا کەسەیل گونجیاگ ئەرا ئەو کارەیلە پەسەن کەن"، وتیش "ئامانج ئی کارە پاڵپشتیکردن گەنجەیلە و بەشداریکردنە لە کەمکردنە ریژەی بیکاری لەناو مەردم".

ڕێکخەرەیل پێشانگاگە ئومید خوەیان وتن کە ئی چالاکییە بوودە خاڵ دەسکردن وە زنجیرەیگ دەستپیشخەری هاوشیوە کە بەشداربوود لە بەرزکردن رۆڵ دامەزراوە پەروەردەییەیل لە پاڵپشتیکردن بازاڕ کار و بەرزکردن دەرفەت کار لە هەرێم کوردستان.

سلێمانی وەدەس بیکارییەو لەناو دەرچووان ناڵێد، یەیش وەگەرد قەیرانەیل ئابووری لە هەرێم، پێشانگای کار میکانیزمیگ گرنگە ئەرا بەرزکردن دەرفەت کار لە ری ئاسانکاری پەیوەندی ناوەین کارخوازەیل و خاوەن کارەیل.