شەفەق نیوز/ وەڕێەوبەر خەسخانەی جمهوری گشتی لە پارێزگای سلێمانی دکتۆر داهات حویزی، ئمڕوو جومعە خەوەردا دەسکردنە وە هەڵمەت پاکەوکردن و ئامادەکاری ئەرا هاتنەناو شەپۆل نوو ڤایرۆس کۆڕۆنا، مەزەنە هەس لە دوو هەفتەی ئایندە دەسوەپی بکرێد.    

ئامادەکاریەیلیش دۊیای چەن ساعەتیگ لە راگەیانن وەزیر تەندروسی هەرێم کوردستان سامان بەرزنجی تیەێد ک راگەیان پەنج تۊیشبۊی ئاڵشتبۊی ئۆمیکرۆن لە پارێزگای دهۆک لەناو خێزانیگ ک لە دەیشت وڵات هاتنە توومارکردنە.    

حویزی لە بەیاننامەگەی ئمڕوو وت؛ دۊیای داوەزین شمارەی تۊیشبۊیەل ڤایرۆسەگە لەماوەی دو مانگ هۆڵەیل کەرەنتینکردن چووڵەوبۊین، ئیسە دەسکردنە وە هەڵمەت پاکەوکردن و تەمیسکردن ئەو شۊنەیلە ئامادەکارییان کەن ئەرا هاتن شەپۆڵ چوارەم کۆرۆنا ک مەزەنە کریەێد لە دوو هەفتەی ئایندە دەسوەپی بکەێد.    

وەرپرس تەندروسی دووپاتکرد، تەنیا هووکار وەرگیری وەرگردن ڤاکسین کۆڕۆناس،  وتیش؛ ئەو کەسەیلە وەرجە شەش مانگ دوو تاقەبەش ڤاکسین وەرگردنە ئیسە تۊەنن سێیەم وەربگرن.  

حویزی وتیش؛ رەوش چارەسەری لە خەسخانەیل سلێمانی فرە خەراوە ئەگەر چارە نەکرێد؟ و چارەسەر و خوازین پزیشکیلە زۊترین وەخت دابین نەکریەێد تۊیش بەڵای گەپیگ تیەن.