شەفەق نیوز/ سەندیکای کراکارەیل سلێمانی، ئمڕوو شەممە، مردنکراکاریگ بیناسازی راگەیان لە یەکیگ لە پرۆژەیل وەبەرهێنان تایوەت وە نیشتەجیبوین لڵ پارێزگاگە، لە ئەنجام وە خوارکەفتنی لەبان بینایگ.
سەرۆک سەندیکای کراکارەیل بیناسازیعوسمان زندانی، وە ئاژانس شەفەق نیوز وت " خەوەردار کریایمن لە مردن کراکاریگ بیناسازی لەو شوینە، باوجی هویچ زانیاری هویردیگ لەباوەت ناسنامەی کراکارەگە ئاشکەرانەکرد".
وتیش؛ " سەندیکاگەمان پەیوەنی وە فەرمانگەی فریاگوزاری سلێمانی کردیە ئەرا وەدەسهاوردن زانیاری زیاتر، باوجی تا ئیسە هویچ زانیاریگ لە ناسنامەی کراکارەگە دەسمان نەکەفتیە" ئاشکەرایکرد " کراکارە قوربانیەگە تەمەنی 35 ساڵان بوی و خەڵک شار سلێمانیە".
وتیش ؛" رویداوەیل مردن کراکارەیل لەبان بینا وەشیوەی وەردەوام دوارەوبوود لە ئەنجام کەمی کرڵستەیل بیوەیی لە شوین کارەیلە، بوودە هووکار زەردەیل گیانی لەناو کراکارەیل".