شەفەق نیوز/ حکومەت خۆجێیی لە پارێزگای سلێمانی، ئمڕوو چوارشەممە، باس لە رەتکردن خوەی کرد لە دووارە چەسپانن قەیەغەی هاتوچگن لە پارێزگاگە یا لە ئەو ناوچەیل هەرێم.
هەڤاڵ ئەبوبەکر پارێزگار سلێمانی ئەرا رووژنامەنووسەیل وت: لەلامان لیواس ک قەیەغەی هاتوچگن یا کەرەنتین گشتی لەی قۆناغە هیچ سودیگ ئەرامان نەێرید، چوونکە پەتاگە چیە ناو ماڵەگان دویای ئەوەگ لە کویچە و ریەگان بویمن.
وتیش؛ ماڵیگ نیە لە سلێمانی تووشهاتنیگ لەتی تۆمار نەکریاگە مەگەر چووزانم، و دووپاتکرد ک ئیمە لەی قۆناغە خوازیمن هووشیاری لەناو مەردم بڵاو بکەێمن و خزمەتگوزاری تەندروسی بتەو بکەیمن.
ئەبوبەکر بەرزەوبوین رێژەی مردنەگان لە پارێزگاگە دانا وە هووکار هاتن تووشهاتگەیل ڤایڕۆسەگە ئەرا سلێمانی لەو ناوچەیل هەرێم کوردستان وعراقیش وهەمیش لە ئیران، ک تیەن ئەرا چارەسەرکەردن لە سلێمانی.