شەفەق نیوز/ وەڕیەوبەر باخچەیل سلێمانی، ئمڕوو یەکشەممە، راگەیان ک ناوچە زەوزەیل و پارکەیل شارەگە کەفتنەسە وەر فەوتیان لەوەر هشکەساڵی وکەم ئاوی.

کامەران حەمە ساڵح وەڕیەوبەر باخچەیل لە سلێمانی لە بەیاننامەیگ رووژنامەوانی رەسیە ئاژانس شەفەق نیوز وت: فرەی باخچە وسەیرانگایل وناوچە سەوزەیل لە عراق و هەرێم کوردستان هانە سلێمانی.

وتیش: گشت ساڵیگ ئەرا ئاویاری فرەی باخچەیل پەنا وە تانکەرەیل بەیمن، لە وەختیگ ک بیرەیل ئاو لەناویان نییە، ١١٨ مەلیۆن لەتر ئاو ئەرا ئاویاری دارەیل پارک ئازادی و هەواری شار پەیا کەیمن، باوجی لە یەک ئی مانگ ئەیلوولە نەتوەنستیمن ئاویگ پەیا بکەیمن ک بەشیان بکەێد، لەوەر نەوین پویل تا بیەیمنەی خاوەن تانکەرەیل ئاو.

ساڵح دیاری کرد ک سێ مەلیۆن دار لە سلێمانی هەس، و ٥٣٣ لە باخچە و جادە و سەیرانگا، و فرەترین باخچە و جادەیل عراق و هەرێم کوردستان لە سلێمانی هەس وئیسە سلێمانی سەوزترین شارە لە عراق، و شوینە سەوزەیل لە پارێزگاگە رەسنە ١٩،٤%.

دیاری کرد ک ئەگەریش دارەیل هشکەو بوین، ئەوەسا ١٠ قات شمارەی دارەیل چنیمن، و هەرچەن  چەن داریگ لەوەر سەردی لە سلێمانی و کوردستان هشکەو بوین، باوجی ئیمە ١٠٠٠ دار چنیمن.

دووپات کرد ک یە هەفت ساڵە، بەرزترین بڕ واران لە سلێمانی واریە، و بەرزترین ئاست تەڕی لە وەرز تاوسان لە سلێمانی بویە، و هەمیش سلێمانی نزمترین پلەی گەرمی لە عراق و ناوچەگە لە وەرز تاوسان توومار کردیە.