پەیامنێر ئاژانس شەفەق نیوز وت: دیدارەگە وە سەرپەرشتی وەڕیەوبەرایەتی گەشتوگوزاری گشتی لە سلێمانی و دەسەی گشتی گەشتوگوزاری لە هەرێم کوردستان دەسوەپی کرد، وەئامادەبوین ئەمەل باجڵان خانمە سەرۆک دەسەی گەشتوگوزاری لە هەرێم کوردستان، و هەڤاڵ ئەبو بەکر پارێزگار سلێمانی، و بڕیگ لە نوینەرەیل کۆمپانیایل گەشتوگوزاری لە عراق.
هەڤاڵ ئەبو بەکر پارێزگار سلێمانی لە وتاریگ وت: یەکیگ لە گرنگترین پایەیل کار حکومەت هەرێم کوردستان خوەی گەشەپیدان کەرت گەشتوگوزاریە، و دووپات کرد ک هەرێم کوردستان وەشیوەیگ گشتی و سلێمانی وەشیوەیگ تایبەت پشت وە ئابووری سەوز بەسێد.
وتیش: ئیدارەی سلێمانی وە بەرزی نرخدار رۆڵ وەڕیەوبەرایەتی گەشتوگوزاری لە پارێزگاگە کەێد، و پاڵپشتیکردن دەسەی گەشتوگوزاری لە هەرێم کوردستان، و ئەوەگ لە ماوەی گوزەشتە ئەرا کیشانن گەشتیارەیل ئەنجامی دان.
دیاری کرد ک ئیدارەی پارێزگاگە ئەوەسا پشتگیری ئەو لایەنەیلە کورد ک کار ئەرا گورجکردن گەشتوگوزاری لە پارێزگاگە کەن، وەتایبەت پارێزگاگە گشت خوازینەیل سەرکەفتن گەشتوگوزاری دیرێد، جویر ئاسایش و قەبوڵکردن کۆمەڵگا و هەسی شوینەیل گەشتوگوزاری.
پارێزگار سلێمانی دووپات کرد و رەسانن کار گەشتوگوزاری تەنیا هاتن گەشتیارەیل ئەرا پارێزگاگە نیەخوازێد، وەلێ گواستنەوەی زانست و ئەزموونەیل ناوبەین تیمەیل گەشتوگوزاری و رێکخستن کاروانەیل گەشتیاری لە سلێمانی وەرەو ناوچەیلیگتر خوازێد.