شەفەق نیوز/ وەڕێەوبەرایەتی ئاو سلێمانی، ئمڕوو دوشەممە، رونکردنەوەیگ دا لەباوەت رەوابوین ئەو ئاوە ک هاوڵاتیەیل وەکاری تیارن، دووپاتکرد بڵاوبوینەوەی "کولێرا" پەیوەندی وە ئاو شارەگەوە نەیرێد.
وەپای بەیاننامیگ وەڕێەوبەرایەتی ئاو سلێمانی بڵاویکردیە و رەسیە وە ئاژانس شەفەق نیوز، لایەنەیل دیاریکریاگ وەشکینیگ ئەرا تاقیگەیی ئەنجام دانە ئەرا سەرجەم سەرچەوە ئاوەیل ک وەڕێەوبەرایەتیەگە سەرپەشتیاریان کەێد و دەرچگە ئەو ئاوە ک رەسێدە هاوڵاتیەل دووپاتکریایە لە پاکی سەرچەوەگە.
دیاریکرد، " گشت وشکینەیل تەندروسی ک ئەنجام دریایە ئەرا پرۆژەی دوکان۱ و دوکان ۲، و پرۆژەی سەرچنار و ئەمارەیلی، دەرچگە پاکە و شیاوە ئەرا وەکارهاوردن و هویچ گرفتیگ نیەرێد". شەو یەکشەممە، ئیدارەی سلێمانی راگەیان لە دویای راگەیانن تەندروسی پارێزگاگە "پسای لەناکاویگ" مردن توومار کریایە وە مدووی پەتاگە دەسەی باڵایگ دروس کریا ئەرا رویوەروی بوین پەتای "کوڵێرا".