شەفەق نیوز/ وەڕێوەبەرایەتی پۆلیس دارسانەیل و ژینگە لەپارێزگای سدێمانی، ئمڕوو سێشەممە، خەوەردان لە دەسگیرکردن کەسیگ وە توومەت بڕین دەیان دار سروشتی لە دوڵ "دوکانیان".
وەڕێوەبەرایەتیەگە ئمڕوو لە بەیاننامەیگ راگەیان، لە ئەنجام دەرچگن مەفرەزەیلیان لە هیزەیل پۆلیس دارسان و ژینگە ئەرا سنوور ئەو دوڵە توەنتن هاوڵاتیگ دەسگیربکەن وە توومەت دار سروشتی بڕین کە لە تەمەنەیل جیاواز بوینە و لە جویر "بەڕوی"، ئاشکەرایکرد ئەو هاوڵاتیە زیاتر لە 100 دار بڕیە.
لە بەیاننامەگە دیاریکردیە، کاغەز لێکۆڵینەوە ئەرای وازکریاس، ئەرا لای دادوەر کلکریا تا رێکارەیل یاسایی پێویست بگرنەوەر.