شەفەق نیوز - سلێمانی

یاد نەقشبەندی، وەڕێوەبەر خەسەخانەی شێرپەنجەی هیوا، ئمڕوو سێشەممە راگەیان کە لە ماوەی نیمەی یەکەم ساڵ 2025، دوو هەزار تویشهاتن نوو وە شێرپەنجە توومار کریاس، دیاری کرد کە بەشیگ لەو بیمارەیل خەڵک ناوڕاس و باشوور عراق بوین.

لە کۆنگرەیگ رووژنامەوانی کە ئمڕو وەڕیەو چگ، نەقشبەندی وت: تویشهاتنەیل شێرپەنجە لە زیایبوینە، و لە ماوەی شەش مانگ یەکەم ئمساڵ زیاتر لە دوو هەزار تویشهاتن وەی بیماریە توومار کردیمنە. 

دیاری کرد کە ئەو ئامارە تەنیا پەیوەندی وە پارێزگای سلێمانییەو نەیرێد، بەڵکم کەسەیلیگ لە پارێزگا و ناوچەیل ترەک عراقیش گرێدەو.

نەقشبەندی وتیش: گیچەڵ کەمی دەرمان ئەرا بیمارەیل شێرپەنجە وەردەوامە و کۆتایی نەهاتگە، ئەوەیش لەوەر قەیران دارایی هەرێم کوردستان کە وەخود شیوە سای خستیەسە بان ئی باوەتە، وتیش: "بەڵام توانم بویشم ئەو چارەسەر بیماریەیلە لە خەسەخانەی هیوا ئەرا تویشبویەیل شێرپەنجە پیشکەش کریەێد لەلایەن خەسەخانەیل ترەک ناوچە و شارەیل عراق دابین نیەکریەێد". دووپاتیش کرد کە وەگەرد ئەوەیش، ئەو سندوقە کە ئەرا چارەسەری بیمارەیل شێرپەنجە تەرخان کریاس وەردەوامە لە پیشکەشکردن هاوکاری دارایی خەسەخانەگە.