شەفەق نیوز/ دەیان لە خاوەن ماتوورسکیڵەیل ک کار لە رەسانن داواکاری هاووڵاتییەیل کەن لە پارێزگای سلێمانی، ئمڕوو چوارشەممە، وسیانیگ ناڕەزایی کردن، لەوەر خەوەرەیلیگ لە قەیەغەکردنیان لە ئەنجامدان کارەیلیان، لە هەفتەی ئایاند وەرەولا.

ئارام محمد، رانندەی ماتوورسکڵە کار لە دلیڤری کەێد، ئەرا ئاژانس شەفەق نیوز وت: ئی وسیانە وە ناڕەزایی لەبان قەیەغەکردن کارمان وە ماتوورسکڵ تیەێد، ک وەگورەی راگەیانن شەوەکی ئمڕوو وەڕیەوبەرایەتی هاتوچو هەولێر لە هەفتەی ئایندە دەسوەپی کەێد.

محمد وتیش: فرەمان خاوەن بڕوانامەی زانستیە، و فەرمانبەر نییمن، ئەراوە لەبان ئی ماتوورسکیڵەیلە کار کەیمن، و قەیەغەی ئی کارمانە واتە کەفیمنە ناو سوپایگ لە بیکارەیل، و داوا کرد مووڵەت رانندەیل بیریەێدە رانندەیل ماتوورسکیڵەیل و لەلای وەڕێەوبەرایەتی هاتوچو ئەو ماتوورسکیڵەیلە توومار بکریەن، دیاری کرد ک گشتی وە ریسگایل سەڵامەتی پابەندە.

وەرجەیە، ئمڕوو چوارشەممە، یەکێتی پیشەکارەیل داوای چارەکردن گرفت توومارکردن ماتوورسکیڵەیل کرد، تا کۆنترۆڵ ئەو پیشەلکردنە لەلای بەشیگ لە رانندەیل بکریەێد.

ئمڕوو چوارشەممە، وەڕێەوبەرایەتی هاتوچو لە پارێزگای هەولێر پایتەخت هەرێم کوردستان، راگەیان ک نیاز دیرێد سەرچەوەیل هاوردن ماتوورسکیڵ بیمووڵەت هشکەو بکەێد، ئەوەیش لەوەر ئەو رویداویل فرە ک کەفنە روییان.