شەفەق نیوز/ قسەکەر وەڕێوەبەرایەتی وەرگری شارستانی سلێمانی، ئارام عەلی، ئمڕو  سێشەممە، راگەیان، شەوەکی ئمڕوو، دەسەیگ تایبەتمەن کە  لە چەن لایەنیگ دروس بویە رەسیە شوین ئاگرەگە لە ناوچەی پیشەسازی سلێمانی ئەرا دەسکردن وە لێکۆڵینەوەیگ ئەرا رەسین وە بندروس رویداوەگە.

 لە بەیاننامەیگ رەسیە ئاژانس شەفەق نیوز، ئارام عەلی وت:  “وەرپرسیارێتی دەسەگە لە ئامادەکردنیگ ڕاپۆرتیگ کە مدووەیل ئاگرەگە و قەزارەی زیانەیل ئاشکرا بکەێد، لە خود وەختەگە ڕاسپاردەی فەرمی پیشکەش بکەێد.” 

وتیش: "ئەنجام لێکۆڵینەوەیل دویای تەواوبوین راپۆرتەگە وە فەرمی ئاشکرا کریەێد".

لەلای خوەییش دیار ئیبراهیم، وەڕێوەبەر وەرگری شارستانی سلێمانی لە لێدوانیگ رووژنامەوانی کە ئاژانس شەفەق نیوز نووڕیەی وت: “تیمەیل وەرگری شارستانی توەنستن دویای تەقەلای فرەیگ، ئەو ئاگرە کۆنترۆڵ بکەن کە ئبوارەی دویەکە لە یەکیگ ئەمارەیل بازرگانی لەناو ناوچەی پیشەسازی هیز گرد”. 

باس ئەوەیش کرد کە "تیمەیل ئاگرکپەوکردن وەخاسی کار گشت ئەندامەیل وەڕێوەبەرایەتی توەنستن ئاگرەگە کۆنتڕۆڵ بکەن، کە 10 تیم ئەرا شوین رویداوەگە کل کریان دویای ئەوەگ ئاگرەگە لە ساعەت پەنج ئیوارەی دویەکە دووشەممە هیز گرد"

ئیبراهیم وتیش: ئاگرەگە بویە مدوو سزیان تەواو کۆمپلێکسیگ و زیان وە دوو کۆمپلێکس شانی رەسان، وتیش: "ئەو ئەمارە ئاگرەگە لەناوی هیز گرد، مادەی پلاستیکی و چوو لەناوی بوی کە خاس مقیەتی نەکریاوێد".

  دووپاتی کرد کە "ئەو کەسە وەرپرسە لە کار قایمکردن لە شوین (ئیزۆگامی) لە بنەمای بڕیاریگ دادوەری دەسگیرکریا". 

 سەرچاوەیگ ئاگادار ئەرا پەیامنێر شەفەق نیوز ئاشکرا کرد؛  زیان دارایی لەوەر ئاگرەگەو وە نزیکەی دوو ملیۆن دۆلار مەزەنە کریەێد لەوەر بڕ گەورەی ویرانکارییەو.

لەلاییگ ترەک، سامان نادر، قسەکەر سەنتەر فریاکەفتن سلێمانی لە بەیاننامەیگ رووژنامەوانی کە ئاژانس شەفەق نیوز نووڕیەی، راگەیان کە لە ئەنجام ئاگرگە 13 کەس تویشی گیچەڵ تەندروسی بوین، کە هەشت کەسیان لە شوینەکگگە چارەسەر کریان، و پەنج کەسی ئەرا خەسەخانە بریان.