نوێنەر خوەنەوارەیل خوەنیشاندەر، ئەیوب ئەحمەد، لە کۆنگرەیگ رووژنامەوانی کە ئاژانس شەفەق نیوز ئامادەی بوی وت، "بی گومان ساڵ خوەنین وەرەو کۆتایی چوود تا ئیسە فرەیگ لە مامووسایەیل ئامادەی هۆڵەگان خوەنین نەوینە، لەوەرز یەکەم کەس نەتوەنستیە 20٪ زیاتر تەواوبکەێد لە مەنهەج خوەنستن چوین کریەێد لەو ماوەگ مەنییە 80٪ تەواوبکرێد".
وتیش، وەزیر پەروەردە بەلین دا بەرژەوەنی خوەنەوارەیل پارێزراو بوود، ئیرنگە ئیمە هاینە نوای هەڕەشەی گەپیگ وەگەرد تەوابوین ساڵ خوەنین وەبی تەواوبوین مەنهەجەگە کە تەنیا خوەنەوارەیل قوربانین.
هەمیش داواکەن "مەنهەج خوەنین کەمەوبکەن تا بتوەنن تاقیکردنەوە بکەن وە تایوەت لە کەشوهەوای گەرم"، لەهەمان وەخت داوا لە گشت خوەنەوارەیل کرد ئەرا "بەشداریکردن لە خوەنیشاندان گەپیگ لە رووژ یەکشەممەی ئایندە، لەنوای پەروەردەی سلێمانی ئەرا داواکردن مافەیلیان".