شەفەق نیوز/ لە نووترین خوەنیشاندان ئەرا داواکاری خەرجکردن مووچە شمارەیگ لە مامووسا و فەرمانبەرەیل، شەوەکی ئمڕوو یەکشەممە، ری بەسان لەنوای بارهەڵگرەیل نەفت و پێکهاتە نەفتیەیل لە ناحیەی عەربەت لە پارێزگای سلێمانی، وە مدوو ریگریکردن لەلیان لە رەسین وە دەروازە سنووریەیل.

مامووسا عەتا محەمەد کە یەکیگە لە بەشداربویەیل ناڕەزایەگە وە پەیامنێر ئاژانس شەفەق نیوز وت: "ئامانج لەی گامە بریتیە لە دووپاتکردن لەبان بایەت سەرچەوەیل هەرێم  لە بەرژەوەنی هاوڵاتیەیل وەکاربارێد نەک لە بەرژەوەنی دەسڵات جیوەجیکار".

وتیش "ئەو نەفتە کە ئەرا وڵاتەیل هاوسا کلکرێد  هەوەجەکەێد بەشداربوود ئەرا خاسترکردن ژیان دانشتگەیل و ەرجکردن مووچەی فەرمانبەرەیل، لجیای ئەوەگ سەرچەوەیگ بوود ئەرا لایەنەیل دەسڵاتدار وەبی هویچ کاردانەوەیگ ئەرێنی لەبان ژیان هاوڵاتیەیل".

مامووسا عادل ئەرا ئاژانس شەفەق نیوز دووپاتکرد "ئێ هەڵچگنە لەدویای مانگردن وەردام 15 رووژ  لە خواردن و پەککەفتن خوەنین لە مەکتەوەیل هەرێم تێد ئەرا زیاتر لە دوو مانگ وەبان یەک، وە تایوەت لە پارێزگای سلێمانی".

ئاشکرایکد "خوەنیشاندەرەیل بڕیاردانە رێکارەریل نوو بگراەوەر ئەرا بەسانن ری لەنوای ئەو بارهەڵگرەیلە روی کەنە دروازە سنوورییەیل لەریگەی ناحیەی عەربەت، تەقەلا درێد لەریەو نامەی تونیگ بڕەسێدە لایەنەیل پەیوەنیدار".