شەفەق نیوز/ دەیان لە خاوەن خوازینەیل تایبەت لە سلێمانی، ئیوارەی ئمڕوو سێشەممە، خوەینشاندان کردن وەداوای ئەوە کە مووچەیل مانگانەیان وەرد ئەو پارێزگایل عراق بکەنە یەکیگ.
سامان حسێن سەرۆک یەکێتی کەمئەندامەیل و خاوەن خوازینەیل تایبەت لە هەرێم کوردستان لە کۆنگرەیگ رووژنامەوانی وە ئامادەبوین ئاژانس شەفەق نیوز وت: دانا کەیمن حکومەت هەرێم کوردستان گامەیل زویوەزوی بنەێد تا مووچەیلمان لە هەرێم کوردستان بوودە جویر مووچەی کەمئەندامەیل حکومەت عراق و زیایکردنی.
وتیش: ئەگەر حکومەت هەرێم کوردستان ئی پەڵپە جیوەجی نەکەێد ئیمە زویوەزوی چادر لەناو جادە هەڵدەیمن و خوەینشاندان کەیمن.
سامان وتیش: رەوش کەمئەندامەیل بەدە ت ئەو مووچەی مانگانە کە لە ١٠٠ تا ١٥٠ هەزارە بەش ئاسانترین خوازینەیل ئی چین بەدبەختە نیەکەێد.