شەفەق نیوز/ دۊیەشەو تەقەکردن کەفتە ناوبەین هێزەیل ئاسایش وبڕێ لە داواکریاگەیل لە پارێزگای سلێمانی.
سەرچەوەیگ ئەمنی ئەرا ئاژانس شەفەق نیوز وت: هێزەیل ئاسایش لە ئەرک جیوەجیکردن فەرمان دادوەری لەبان سێ توومەتبار لە ناوچەی راپەڕین، توومەتبارەیلە تەقە لە ئاسایش کردن، و ئاسایش جواویان دا.
سەرچەوەگە وتیش: هێزیل ئاسایش تۊنستن سێ توومەتبارەگە دەسگیر بکەن، ک یەکیگیان کە تەقەگە زەخمدار بۊی.
وتیش: توومەتبارەیلە خریانە زیندان تا بخریەنە وەردەم دادوەر لێکۆڵینەوە.