شەفەق نیوز/ وەڕێەوەبەرایەتی روشنهۊری و هونەر لە سلێمانی سەر وە وەزارەت روشنهۊری و گەنجەیل لە حکومەت هەرێم کوردستان، ئمروو جومعە، یەکەمین خول ڤستیواڵ ناودەوڵەتی ئەدەبیات لەشار سلێمانی پایتەخت روشنهۊری هەرێم کوردستان راگەیان.    

لە کۆنگرەیگ رووژنامەوانی ک پەیامنێر ئاژانس شەفەق نیوز ئامادەیبۊی، موحسین ئەدیب وەڕێەوەبەر گشتی روشنهۊری و هونەر سلێمانی وت: "ڤیستواڵەگە لە 26 تا 29 ئی مانگە دەسکەێدەپێ".    

ئەدیب، وتیش: "شمارەی فرەیگ لە نۊسەرەیل و شاعیرەیل و توێژەرەیل مکیس کریانە و 28 نۊسەر و توێژەر پێشەنگ شاعیرەیل و توێژەرەیل هاوچەرخ  لە رێبازە جیاوازەیل وە ئامانج هاوسەنگی کردن لە مابەێن نووسەرەیل گەنج و شارەزا ک بەشداری ڤستواڵەگە کەن.    

وتیش: "یەکیگ لە ئامانجەیل ڤیستواڵ ئەدەب سلێمانی ناسانن جەهانی ئەدەبییە وە ئەو ناوەیلە ک دەرفەت دەرکەفتن نێیاشتنە و دەرفەتیگ خاستر وە رێ داینە  ژنە ئەدیبیل لە جەهان ئەدەب".

ئەدیب، وتیش:"مکیس ئەرا گش شاعیرەیل هەر چوار پارچەی کوردستان کریایە و وە یەکسانی ری وە گشت نووسەرەیل کورد دریەێد بەشداری ئی ڤستواڵە بکەن".