شەفەق نيوز/ ریخریاگ "گەرمسير" ئەرا کوردەیل فەیلی لە سلێمانی، ئمڕوو جمعە، ساڵیاد رووژ شەهید فەیلی کردن، وە داواکردن لە حکومەت هەرێم کوردستان و حکومەت فیدڕاڵی ئەرا دادپەروەری ئی چینە، و پیشکەشکردن رۆڵیگ راسگانی وەپییان لە ژیان سیاسی.
شەهاب فەیلی سکرتێر ئاژانسەگە ئەرا پەیامنێر ئاژانس شەفەق نیوز لە بە ساڵیدەگە ئامادە بوی وت: ئی بوونە گرنگییگ میژووی هەڵگرێد، ئەرا یادکردن ئەو کەلەمە و کارەساتەیلە مە وەگەرد سەردەمەیل وەسەر کوردەیل فەیلی هات.
وتیش: کەفتنە وەر بارکردن زوورکاری، و دەسگیرکردن، و شکەنجە، و زەفتکردن مافەیل، کە زنیکردن ئی سادە ساڵانە خوازێد ئەرا دڵنیابوین لە دووارەنەوین نەهامەتیەیل.
وتیش: کوردەیل فەیلی، لەبان ئەو سەختیەیلە کە کەفتە وەریان، هیمان ناسنامە و کەلتور و مافەیل نیشتمانی خوەیان گردنە، وتیش: ئی بوونە دەرفەتە ئەرا زوورکردن لە داواکارییەیل کوردەیل فەیلی لە جیوەجیکردن ماڤپەروەری و یەکسانی ئەرا قوربانیەیل و بنەماڵەیل شەهیدەیل.
ئەو رسوومەیلە وەگورەی پەیامنێرمان، وە خوەنستن سوورەی فاتیحە ئەرا گیان شەهیدەیل کورد فەیلی دەسوەپی کرد، و باس زیان ئی چینە کرد، چ جاران و چە ئیرنگە، وەگەرد زوورکردن ٦قرس کووچبەرەیل، و مافەیل سیاسی، و سەختیەیل ئابووری و کۆمەڵایەتییان.
هەمیش داوای فەرمی وەلایەن ئامادەبویەیل لە حکومەت هەرێم کوردستان و حکومەت فیدڕاڵی بەغداد، وە گرنگی دادپەروەری کوردەیل فەیلی، و پیشکەشکردن رۆڵیگ راسگانی لە کاروبار سیاسی لە دامەزراوەیل حکومڕانی لە بەغداد و هەولێر، لەبان ئەو ڕۆڵ میژوویانە و شوینەیل فراوان نیشتەجییوینیان.
2 نیسان/ ئەپڕیل، رووژ فەرمی شەهید فەیلیە، ئەرا یادکردن هەزاران لەو شەهیدەیلە کە لە هەڵمەتەیل ستەم و بارکردن زوورکاری لە سەردەم رژیم بەعس بوینە قوربانی.