شەفەق نیوز - سلێمانی

شوینگر پارێزگار سلێمانی، شاهۆ عوسمان، ئمڕوو شەممە، خەوەردا لە  هیزگردن ئاگریگ گەپیگ لە ئەماریگ بەنزین لە ناوچەی تانجەرۆ، کە بویە مدوو سزیانی وە تەواوی، و تیمەیل وەرگری شارستانی توەنستن کۆنترۆڵ ئاگرەگە بکەن و نواگیری  بکەن لە رەسینی ئەرا ئەمارەیل هاوسا.

عوسمان ئەرا ئاژانس شەفەق نیوز وت: "لایەنەیل پەیوەنیدار  لە سەعات نۆ و نیم شەوەکی ئمڕوو خەوەریگ رەسیە دەسیان، لەبانهیزگردن ئاگر لە یەکیگ لە ئەمارەیل بەنزین لە ناوچەی تانجەرۆ لە سلێمانی، کە بویە مدوو ئامادەباشی تیمەیل وەرگری شارستانی و چگنیان ئەرا شوین رویداوەگە".

دیاریکرد، "10 تیم لە وەرگری شارستانی بەشداری لە پرۆسەیل کپکردنەگە کردن، و لە ماوەی یەک سەعات توەنستن کۆنترۆڵ ئاگرەگە بکەن، کە بویە مدوو سزانن ئەمارەگە وە تەواوی، لە وەختیگ ئەمارەیل هاوسا هونکەو کریان و پارێزریانە لە رەسین ئاگرەگە ئەرا ناویا".

لەی چوارچمگە قسەکەر وەرگیری شارستانی لە سلێمانی، ئارام عەلی، ئاشکراکرد، لێکۆڵینەوەیل وەردەوامن ئەرا دیاریکدن هووکار راسکانی ئاگرەگە، دیاریکرد وەپای زانیاری سەەتایەیل  مەوقەی دەرکردن سزەمەەنی ناو ئەمارەگە رویدایە.