جویر ئەوەگ ئەو هاوڵاتیەیلە کەفتنەسەر وەر چەک کیمیایی و دانشتگ شارەگە بوینە باس لەلی کەن " وەرجە نیمەڕوو 16ی ئازار ساڵ 1988 لەناکاو وە بوون ئەو چەکە وەئاگا هاتنەسەو ئەوەنە وەسەری نەچگە رویوەروی ئەو کارەساتە بوینە، تەرم ئەزیزەیلیان لە کویچە و ماڵ و جادەیل کەفتیە".

وەپای قسەیل شایەتحاڵەیل کیمایەگە بوون سیف لەلی هاتیە، بەشیگ لە مەردم دەسوەجی گیان لە دەسدانە و بەشیگیش تویش قوتە و هەناس تونی هاتنە و رەنگیان سەوز ئەڵگەریاس.

کیمیاوارانەگە بویە هووکار شەهید بوین پەنج هەزار کەس و زیاتر لە دە هەزار کەسیش کەفتنەوەر کیمیایەگە و بەشیگیان گیان لە دەسدانە و بەشیگیانیش لە ژیان مەننە، بیجگە لە گومبوین چەندین زاڕوو ک وەلایان وڵاتەیلتر چەودێری کریان گلەونەدریانە هەڵەبجە یا لە خێزانەیلیان دابڕیان.

 لە 21/12/2008 یەکەم دانشتینل وەبان کەیس هەڵەبجە ئەنجامدریا، و لە 17/1/2010 دادگا کەیسەگەی وە تاوان دژ وە مرۆڤایەتی ناسان. و سزای لەسێدارەدان وەبان عەلی حەسەن مەجید ژەنەڕاڵ وەرین سوپای رژێم بەعس و ئامۆزای سەدام حوسێن دریا و لە 25/1/2010 جیوەجیکریا.