شەفەق نیوز/ وەڕێوەبەرایەتی پۆلیس پارێزگای سلێمانی، ئمڕوو یەکشەممە، راگەیان هێزەیل نەهیشتن تاوان چەمچەمال کەسیگ وە توومەت تانکەر دزین دەسگیرکرد.

وەڕێەبەرایەتیەگە لە بەیاننامەیگ راگەیان، دویای ئەوەگ هاوڵاتیگ سکاڵا توومارکرد کە ماشینیگ بارهەڵگرلە جویر (تانکەر) لێ دزیایە، هێزەیل پۆلیس لێکۆڵینەوە و وەدویاچگن دەسوەپیکردنە، و دویای وەرگردن بڕیار دادوەر وەلایەن مەفرەزەیل نویسینگەی نەهیشتن تاوان چەمچەماڵ توەنریا توومەتبار پەیابکرێد و دەسگیربکرێد و دەسبگیرێد وەبان تانکەرە دزیاگە.

دیاریکرد، توومەتبار  (س.ج.ع.) لەداڵگبوی 1997 و وە ناسنامە عەرەبە وە بڕیار دادوەر وەگورەی ماددەی 443 لە یاسای سزادان عراقی بەندیکریا.