شەفەق نیوز/ سەرۆک حکومەت هەرێم کوردستان مەسرور بارزانی، ئمڕوو سێشەممە، سێیەمین پێشانگای ناودەوڵەتی گەشتوگوزار لە خوەرهەڵات ناوڕاس وازکرد وە بەشداری ژوور بازرگانی و پیشەسازی هەولێر.

ژوور بازرگانی هەولێر لە بەیاننامەیگ رەسیە ئاژانس شەفەق نیوز وت، "سەرۆک هەرێم کوردستان مەسرور بارزانی، ئمڕوو  سێیەمین پێشانگای ناودەوڵەتی گەشتوگوزار لە خوەرهەڵات ناوڕاس لە هۆڵ ناودەوڵەتی هەولێر وازکرد".

ئاشکرایکرد "لە پێشانگاگە زیاتر لە 150 کۆمپانیا و دەزگایەیل گەشتوگوزار لە 20 وڵات بەشداری کردنە، ماوەی سێ رووژ وەردەوامە وە ئامانج ناسانا روی گەشتیاری هەرێم کوردستان وە جەهان و کیشان سەرنج کۆمپانیاگان و وەبەرهێنەرەیل بیانی ئەرا وەبەرهێنانکردن لە کەرتەیل گەشتیاری هەرێم کوردستان، کە  یەکیگ لە ئامانجە گرنگەیل  حکومەت هەرێم کوردستان بوژانەوەی ئێ کەرتەس".

وتیش "ژوور بازرگانی و پیشەسازی هەولێر وە بەشداری جیگیر سەرۆک و ئەندامەیل ئەنجومەن ئیداری بەشداری لە پێشانگاگە کردن.