شەفەق نیوز/ گۆڤار (زمان و زار) ک گۆڤارێکی وەرزانەی زمانناسییە و لەلایەن دوو ریخریاگ (کۆمەڵگەی پەروەردەیی مارگرێت و ریخریاگ خانی ئەرا لێکۆڵینەوەی هزری) لە هەرێمی کوردستان دەرچوود، سێیەم شامرەی لە وەهار ٢٧٢٢ کوردی وە بڕیگ باوەت و توێژینەوەی زانستی وە چوار زوان کوردی، فارسی، عەرەبی و ئینگلیزی و لە  ٤٠٤ لاپەڕە کەفتە وەر دید خوەنەوارەیلی.

ئی گۆڤارە گنگی وە زوان کوردی لە ئاست زارەیل دەێد، و جیا لە دوو شیوەزار کرمانجی و و سۆرانی وەتایبەت بە زارەیل زازاکی، لەکی، کەلهوڕی و هەورامی و باوەت و توێژینەوە وەو شێوزارەیلە بڵاو کەێد. 

بەشیگ لە باوەتەیل شمارە سێیەم گۆڤار  "زمان و زار"  لەیکارەیلە کریاگە: 

- شۆڕشەیل   مێژوو زانستی زوانەوانی.  - لەکی، زوان، زار.  - زوان و ئەرکەیل سەردەم، نەڤەرەی ڕۆکێرۆ – بێزانی. 

- شۆڤینیزم زوانی، کاریگەری زوانەیل لەبان یەکدی، گورانی دەنگ... وتووێژی حەسەنی قازی وەگەرد پڕۆفیسۆر جەعفەر شێخولئیسلامی. 

- لە نەۊین دەوڵەت سەروەخوەی بایەتە خەمخوەری لە زوان سەت قات بەرزتر بوودەو، وتووێژە وەگەرد د. هاشم ئەحمەدزادە. 

- زوان کوردی لە پەراویز سەدەی بیس و یەک. 

- نەوروز لەناو دوو بازنەی ڕیتواڵ و ئیتیمۆلۆجی. 

- عادەت، مڵۆزم شڵەژانی ڕینووسی کوردی.  - بەراوردیگ گرنگیدان بە زوان لە ناوبەین هەرێم کوردستان و هەرێمی کێبیکی کەنەدا. 

هاووەخت چەن باوەتیگ و توێژینەوە لە زوان، ئەدەب، مێژوو و ئایینی کورد و کوردستان وە زوانەیل فارسی، عەرەبی و ئینگلیزی لە شمارە سێیەم گۆڤار زمان و زار بڵاو بۊە. 

خاوەن ئیمتیاز گۆڤار (زمان و زار) تەها ڕەسووڵ ئیبراهیم-ە و سەرنووسەریشی فەرەیدوون سامان-ە