شەفەق نیوز/ وەڕێوەبەرایەتی هاتوچوی هەرێم کوردستان، ئمڕوو دووشەممە، راگەیان سیستەم موولەت راندەیی لە هەرێم کوردستان ئاڵشتکریا وە سیستەمیگ نوو مۆدێرن.

وەڕێوەبەرایەتیەگە لە بەیاننامەیگ راگەیان، سیستەم نوو موولەت راندەیی ئاڵشتبوی ئەرا سیستەمیگ نوو مۆدێرن و ئاڵشتکاریەگە لەپێناو ناسانن  سێکتەرەیل رانندەیی کردنە، وەی مدووە لەی چوارچمگە هاوڵاتیەیل خەوەردارکەیمن لە ئاڵشتکردنەگە.

یەکەم: نۆرەی دراوردن موولەت راندەیی جویرەیل  (A B C1) تایبەت وە ئەو هاوڵاتییەیلە رەسینەس وە تایقیکردنەوەی تیۆری و پراكتیكی هەر وە سیستەم وەرجە دەرچگن بڕیارەگە بوود.

دویەم: گشت نۆرەگردنە نوویەیل تایوەت وە دراوردن موولەت راندەیی گشت جویرەیل  (A B C D T) و هەر نۆرەیگ كە نەچوودە پڕۆسەی كرداری، راستەوخوەی وە سیستەم نوو جیوەجیکرێد.

سێیەم: دەربارەی وانەی تیۆری، ماوەی 21 ساعەت وانە خوەنرێد، کە رووژانە سێ ساعەتە ئەرا ماوەی هەفت رووژ و وانەیل تیۆری تەواوبوون.

چوارەم: 12 ساعەت وانەی پراکتیکی وە کرداری وەگەرد راهێنەر راندەییکرێد.

پێنجەم: کرێد خاوەن موولەت جویر (B) ماشینیگ بڕانێد کە بڕ گشتی (ماشین و سەرنشین و بارەگەی) لە سێ تەن و نیم زیاتر نەود جویرەیل  (پیك ئاپ و ماشین دوو تەنیش) گرێدەو، هەمیش، کرێد  ئامێرەیل بیناسازی و کشاوەرزی بڕانێد وە مەرجیگ كێشی لە سێ تۆن و نیم زیاتر نەود و خێرایی ئامێری بیناسازی لە 60 کیلۆمەتر لە ساعەتیگ زیاتر نەود و ئامێری کشاوەرزی خێرایی لە 40 کیلۆمەتر زیاتر نەود.