شەفەق نیوز ـ هەولێر
سەرۆک هەرێم کوردستان، نێچیروان بارزانی، و قونسوڵ نوو بەریتانی، هۆلی فێر، ئمڕوو یەکشەممە، باس بارودۆخ کوردستان و عراق و هەرێمی کردن.
لە بەیاننامەیگ لە سەرۆکایەتی هەرێم رەسیە ئاژانس شەفەق نیوز دیاری کرد بارزانی وەخێرهاتن قونسوڵ نوو کرد لە هەولێر و پیرۆزبایی لەلی کرد وە بوونەی وەدەسگرتن ئەرکەیل کاری، و ئاوات سەرکەفتن ئەڕای خوازی لە ئەرکەیل نووی جویر قونسوڵ گشتی بەریتانیا لە هەرێم کوردستان، هەمانیش پشتیوانی هەرێم کوردستان ئەرا کارەیلی نیشاندا لەپێناو زیاتربوین پەیوەندییەیل ناوەین بەریتانیا و هەرێم کوردستان.
لە لای خوەیەو، قونسوڵ گشتی بەریتانیا خوەشحاڵی خوەی دەربڕی وە دیدار وەگەرد سەرۆک هەرێم کوردستان و دەسوەپیکردن ئەرکەیل کاری جویر قونسوڵ گشتی بەریتانیا لە هەرێم کوردستان، دووپاتکردن لەبان کار و تەقەلایەیل ئەرا ئەوزەڵدان زیاتر پەیوەنییەیل لە گشت مژارەیل.
هەمیش، لە دیدارەگە گفتوگوکردن لەبان پیشهاتەیل و بارودۆخ هەرێم کوردستان و عراق و ناوچەگە.