شەفەق نیوز/ شەوەکی ئمڕوو شەممە, رسوومەیل وازکردن مەکتەو "ميلسويان" نموونەیی ناودەوڵەتی لە قەزای عنکاوا سەروو پارێزگای هەولێر پایتەخت هەرێم کوردستان وەڕیەو چگ.
مەسرور بارزانی سەرۆک حکومەت هەرێم کوردستان و کاتالین نۆفاک خانمە سەرۆک هەنگاریا لەناو ئامادەبوین وەرپرسەیل حکومەتی و ناوخوەیی و کەسایەتیەیل کۆمەڵگا و پیاوەیل ئاینی لە مەسیحی ئەو مەکتەوە واز کردن.
هەردگ سەرۆک لەناو مەکتەوەگە گەردین، لە وەختیگ ک دەسکریا خوەنەواری ئەو فێرخوازەیلە ک لە ٢٠ وڵات بیانی هاتنە.
مەکتەوەگە لەبان رووبەر ١٠ هەزار مەتر بینا کریا، ک سێ بینا و ٣٤ پۆل و ٧ هۆڵ هاناوی.
وە پاڵپشتیکردن کۆمپانیای "Vision Education" و حکومەت هەرێم کوردستان و هەنگاریا و چە لایەنیگ خەرج بیناکردن مەکتەوەگە رەسیە زیاتر لە ٤,٥ مەلیۆن دۆلار ئەمریکی وەماوەی زیاتر لە ٤ ساڵ تەواو کریا.
مەکتەوەگە هەرلە ساوەی مناڵەیل دەسوەپی کەێد تا پۆل ١٢ی ئامادەیی ک لەو مەکتەوە ئەرا زانکۆ دەرچوود.