شەفەق نيوز/ نێچیروان بارزانی سەرۆک هەرێم کوردستان، ئمڕوو پەنجشەممە،  پیشوازی لە نیتەر ستیبانیک باڵیۆز نوو کۆمار چیک لە عراق کرد.             

سەرۆکایەتی هەرێم کوردستان لە بەیاننامەیگ وت: سەرۆک نێچیروان بارزانی دووپات لە دەسمیەتی ئەرا سەرکەفتن کار و ئەرکەیل باڵیۆز نوو چیک لە عراق کرد.    

هەردوگ لایەنەگە دووپات لە بتەوکردن پەیوەندیەیل مێژووی کۆمار چیک وەگەرد عراق و هەرێم کوردستان کردن، تایبەت لە چینەیل بازرگانی و کشتوکاڵی و رووشنهۊری و ئەکادیمی و گشت ئەو چینەیلە ک لەلای هەردوگلا گرنگە.    

لە کۆبونەوەگە باس دەور باڵیۆزخانەی چیک لە بەغداد و قونسڵیەی لە هەولێر کریا، وهەمیش لە رەوشەیل عراق و هەڵبژاردن پەرلەمانی و ئەنجامەیلی،  جەنگ تیرۆر و مەترسی داعش،  گەشەیک ناوچەگە وەگشتی و بڕیگ باوەت گرنگ باس کریا.