شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، باس لە نیگەرانی خوەی وەرانەوەر دووارەبوین ئەو پەلامارەیلە کرد ک رەسنە چالاکوان و خۆپیشاندەرەکان لە ناوچەیل ناوڕاس و باشوور عراق.

سەرۆک بارزانی ئمڕوو لەبان ماڵپەڕ تویتەر نووسان: وە نیگەرانی فرەیگ چەودیری لە وەردەوامبوین هەڕەشەیل لەبان خۆپیشاندەرە عراقیەکان کەێد و دووارەبوین ئامانجکردنیان و پەلاماردانیان.

وتیش؛ وەسەختی شەرمەزار ئی کارەیلە کەیمن ک ئاست ئاڵووزیەیل و شیواشیوەیل وڵاتەگە زیایەو کەن، و جەخت کرد ک بایەدە سنووریگ ئەرای دانریەێد و تاوانبارەیل بکەفنە وەر دادوەری.