سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی لە پەرلین پایتەخت ئەڵمانیا چەوی کەفتە سیڤینا شۆلتز خانمە وەزیر هاوکاری ئابووری و گەشەپیدان، و لە دیدارەگە باس گەشەپیدان پەیوەندیەیل ناوبەین ئەڵمانیا و عراق و هەرێم کوردستان، و هاوکاری هاوبەش لە جویراجویر چینەیل، و رەوشەیل لە شنگال و ئێزدیەیل و ئاوارەیل لە هەرێم کوردستان کریا، وەگەرد مەترسیەیل ئاڵشتبوین کەشوهەوا لەبان عراق.
بارزانی سوپاس لە ئەڵمانیا کرد ئەرا پاڵپشتیکردن و هاوکاریی وەگەرد عراق و هەرێم کوردستان، و خوەشهاڵیی لە واژووکردن رێککەفتن ناوبەین عراق و ئەڵمانیا نشان داد.
هەمیش دووپات لە ئارەزوو هەرێم کوردستان کرد لە گەشەپیدان پەیوەندیەیل وەرد ئەڵمانیا و وەردەوامبوین لە هاوکاری هاوبەش.
لەلای خوەییش، خانمە وەزیر ئەڵمانی دووپات لە وەردەوامی پاڵپشتیکردن وڵاتەگەی ئەرا عراق و هەرێم کوردستان لە چینە گرنگەیل کرد، جویر بەرهەمهاوردن و راهێنان لە جویراجویر چینەیل، و هەمڕەنگی داهات ئابووری وەشیوەیگ ک هاوشانی نواگردن کاریگەری ئاڵشتبوین کەشوهەوا لەبان عراق و هەرێم کوردستان بوود.