شەفەق نیوز/ نێچیرڤان بارزانی، سەرۆک هەرێم کوردستان و فەرمانبەرەیل سەرۆکایەتی هەرێم، وەرجە نیمەڕو ئمڕوو یەکشەممە، خولەکیگ بیدەنگی وسیان، وە ماتەمینی ئەرا گیان قوربانیەیل کیمیاوارانکردن شار هەڵەبجە.

 وەرجەیە، لە بەیاننامەیگ کە لە یاد 37 ساڵەی کیمیازارانی هەڵەبجە بڵاویکرد، سەرۆک نێچیرڤان بارزانی داوا لە حکومەت عراق کرد گشت ریکارەیل ئاڵشتکردن هەڵەبجە ئەرا پارێزگاری هەڵەبجە تەواو بکەێد، دووپاتیش کرد کە “بایەسە کۆمەڵگەی ناودەوڵەتی وەردەوام بوود لە تەقەلایلی ئەرا دووارەنەوین ئیجویر تاوانیگ لە هەر شوینیگ لە جەهان”.

کوشتار هەڵەبجە لە 16ی ئادار 1988، هەناێ رژیم سەدام حسێن وە چەک کیمیایی پەلامار شارەگە دا، و بویە هوکار کوشیان زیاتر لە پەنج هەزار کەس مەدەنی، فرەیان ژن و مناڵ بوین، و زەخمداری سەخت هەزاران کەس ترەک، کە هیمان بڕیگ لەلییان زیان تەندروسی لەلی دیرن